Indatag ti Commission on Audit (COA) iti Independent Commission for Infrastructure (ICI) ti uppat a fraud audit reports (FAR) maipapan iti ₱325 a milion a balor ti ghost flood control project a nangipamatmat iti sistematiko a di umisu a pannakausar ti pondo ti gobierno.
Segun iti COA, dagiti proyekto nga impatungpal ti Department of Public Works and Highways (DPWH) Bulacan 1st District Engineering Office ket nayawat kadagiti contractor a Wawao Builders ken Darcy and Anna Builders & Trading.
Maibasar iti report ti COA, amin dagiti inrekomendarda a maidarum ket makasuan iti graft and corruption iti babaen ti Republic Act No. 3019, wenno ti Anti-Graft and Corrupt Practices Act, ken malversation of public funds ken falsification of public documents iti babaen ti Revised Penal Code.
Tallo kadagiti uppat a proyekto ti naited iti Wawao Builders ken maysa ti naited iti Darcy and Anna Builders & Trading.
Kasapulan ti natibker ken nainkalintegan a pagtaktakderan iti parikut iti WPS --NMC
Inrekomendar ti COA a maidarum da Engr. Henry C. Alcantara, Engineer Brice Ericson D. Hernandez, Planning and Design Section Chief Ernesto Galang, Maintenance Section Chief Lorenzo A. Pagtalunan, Maintenance Section OIC Jaime R. Hernandez, Engr. Merg Jaron C. Laus, Engr. John Michael E. Ramos, Engr.Ericka Justine P. Chico, Engr. Isiah Lor V. Galang, ken Mark Allan V. Arevalo ti Wawao Builders.
Nairekomendar met a maidarum da Construction Section Chief Jaypee D. Mendoza, Engr.Lemuel Ephraim SD Roque, Engr. Sheena Bernadette B. Morales, Engr. Jolo Mari V. Tayao, Engr. Raymond T. Ramos, Engr. Paul Jayson F. Duya ti Wawao Builders, agraman ni Darcy Kimel D. Respecio ti Darcy and Anna Builders & Trading. (Czarina Nicole Ong Ki/Manila Bulletin//Lito Hilidon/Bannawag)
