Dinayyeg ti magnitude 5.2 a ginggined ti Sultan Kudarat ita nga agsapa, Enero 20, segun iti Philippine Institute of Volcanology and Seismology (Phivolcs).
Maigapu daytoy iti panaggaraw ti tectonic plate iti 44 a kilometro iti abagatan a laud ti Kalamansig itay 3:00 iti parbangon, iti kauneg a dua a kilometro.
Narikna ti Intensity IV iti Kalamansig, Sultan Kudarat.
Narikna ti Intensity III iti General Santos City; Kiamba ken Maitum, Sarangani; Santo Niño, T'boli, Lake Sebu, Norala, iti Tupi, South Cotabato; ken iti Isulan, Sultan Kudarat.
Committee on Justice ti Kamara, kabaelanda a tamingen ti dua nga impeachment complaint
Intensity II met ti narikna iti Tampakan ken Banga, South Cotabato; Glan, Alabel, Malungon, ken Maasim, Sarangani; agraman iti Esperanza, Sultan Kudarat.
Segun iti Phivolcs, maekspektar nga adda aftershocks iti magnitude 5.2 a ginggined, ngem awan ti naawatda a report a nadadael. (Ma. Cristina Arayata/PNA//Lito Hilidon/Bannawag)
