Mangar-aramid ti Land Transportation Franchising and Regulatory Board (LTFRB) iti baro a paglintegan a mangiparit kadagiti nadadaelen a public utility vehicle (PUV) a mangpabaro iti prangkisada.
Segun ken ni LTFRB Chair Vigor Mendoza II, maitunos daytoy iti pammilin ni Presidente Ferdinand R. Marcos Jr. tapno masigurado ti mapagtalkan ken komportable a pagluganan dagiti agbibiahe.
"Mangadaptarkami iti baro a confirmation process. Awan ti ikompirmartayo a prangkisa no narangrangkayen ti lugan," kuna ni Mendoza idi Enero 23.
Gandat daytoy a reporma a tamingen dagiti reklamo ken personal a padas dagiti opisial ti Department of Transportation (DOTr) iti maperperdin a bus, dyipni, ken uray dagiti moderno a dyipni.
Kasapulan ti natibker ken nainkalintegan a pagtaktakderan iti parikut iti WPS --NMC
Pagsasaritaan dagiti opisial ken kameng ti board ti LTFRB daytoy a singasing tapno mangbukelda iti nalawag a pagalagadan ti pannakayimplementar daytoy. (Raymond Carl Dela Cruz/PNA//Lito Hilidon/Bannawag)
