Indatag ni Senador Joel Villanueva idi Enero 23 ti counter-affidavit-na iti di mapiansaan a kasona a malversation of public funds mainaig iti naanomalia a flood control project iti Bulacan.
Kinompirmar ni pannakangiwat ti DOJ Raphael Niccolo L. Martinez a personal a napan ni Villanueva iti opisina ti DOJ tapno ipilana ti apidabitna kadagiti prosecutor sakbay ti panangirugida iti preliminary investigation inton Enero 26.
Naidarum ni Villanueva iti malversation of public funds ken 34 pay a respondent a pakairamanan da dati a Department of Public Works and Highways (DPWH) Bulacan District Engineer Henry C. Alcantara, ken dagiti dati a DPWH Bulacan First District Assistant Engineer a da Brice D. Hernandez, ken Jaypee D. Mendoza.
Segun ken ni Martinez, maysa laeng daytoy iti maikadua a batch dagiti kaso a mainaig iti flood control a nakapila tii DOJ a pakairamanan ti Wawao Construction ken Topnotch Catalyst Builders.
Kasapulan ti natibker ken nainkalintegan a pagtaktakderan iti parikut iti WPS --NMC
Innayon ni Martinez a tallo kadagitoy a kaso ti nakairamanan ni Villanueva a respondent. (Jeffrey Damicog/Manila Bulletin//Lito Hilidon/Bannawag)
