Kinompirmar ni dati a Gabriela Party-list Rep. Liza Maza ita nga aldaw, Enero 26, ti panggep ti Makabayan bloc a mangipila iti baro nga impeachment complaint kontra ken ni Bise Presidente Sara Duterte inton umay a bulan.
Daytoy ti inwaragwag ni Maza kalpasan nga impila ti Makabayan bloc ti impeachment complaint kontra ken ni Presidente Marcos Jr., ngem saanna pay nga impalgak dagiti detalye ti impeachment complaint nga ipilada kontra iti bise presidente.
Innayon ni Maza nga ipakaammodanto no kaano nga ipilada ti impeachment complaint.
Innayon Maza a saanda nga agtaktak a mangipila iti impeachment complaint apaman nga agpaso ti one-year ban a paglintegan. (Ellson Quismorio/Manila Bulletin//Lito Hilidon/Bannawag)
Nasional
