Agtignay ti Committee on Justice a buyogen ti kinaagwaywayas ken kinapatas iti panangsukimat, panangadal, ken panangbistada iti dua a naidatag nga impeachment complaint kontra ken ni Presidente Marcos Jr., segun iti daulo ti komite a ni Batangas 2nd district Rep. Gerville Luistro idi Enero 27.
Kuna ni Luistro nga annongen ti komite nga iwayat ti hearing maibasar iti ebidensia ken proseso; a rugianda a kitaen no sufficient in form and substance dagiti naidatag a reklamo sakbay a denggenda ti merito ti kaso.
Kuna ni Luistro a ti ebidensia ken annongenda iti Konstitusion ti mangiwanwan kadakuada, saan a ti sasao iti publiko wenno napolitikaan a puersa.
Agtalek ni Luistro a kabaelan ti komiteda a tamingen ti dua a kaso ti impeachment no kasapulan, kas maitunos iti Konstitusion, uray dagiti kaso a pakairamanan ti dadduma pay nga impeachable official.
Filipinas, China, pagsaritaanda dagiti parikut iti South China Sea
Innayon ni Luistro a buklen ti Committee on Justice iti 38 kongresman nga addaan iti saririt, pannakaammo, ken paglaingan tapno mabaelanda a tamingen ti dua nga impeachment complaint.
Inlawlawag ni Luistro nga imandar ti Konstitusion ti proseso ti impeachment a masapul a sanguenda nga awan ti adu a pambar. (Ellson Quismorio/Manila Bulletin//Lito Hilidon/Bannawag)
