Pinagsapata ni Presidente Ferdinand R. Marcos Jr. ita nga aldaw, Enero 28, ni Gen. Jose Melencio Nartatez Jr. kas baro a hepe ti Philippine National Police (PNP).
Naangay ti seremonia iti Malakanyang, a kagiddan ti pannakaipaay iti four-star a ranggo ni Nartatez.
Kinuna ni undersecretary ti Presidential Communications Office (PCO) Claire Castro nga agtalek ni Presidente Marcos iti kabaelan ni Nartatez a mangaywan iti entero a puersa ti polis.
Nagpaay ni Nartatez a kas acting PNP chief sipud idi Agosto 2025, kalpasan a naikkat ni Gen. Nicolas Torre III gapu iti susik iti pannakabalbaliw ti pannakaorganisar ti polisia.
'Natibker, diplomatiko' a wagas iti panangsaranget iti China, anamongan ni Marcos
Nangrugi ni Nartatez iti karerana a kas kameng ti PNP Special Action Force sakbay a nayakar iti trabaho a panagimbestigar ken panangidaulo.
Nagpaay a kas direktor ti Finance Service ti PNP manipud 2020 agingga 2022 sakbay nga indauluanna ti puersa ti polisia iti Ilocos Norte, Calabarzon, ken iti National Capital Region Police Office. (Ruth Abbey Gita-Carlos/PNA//Lito Hilidon/Bannawag)
