Indeklarar ni Police Gen. Jose Melencio C. Nartatez, Jr., hepe ti Philippine National Police (PNP), nga awan ti kellaat ken nasaknap a panagbaliw iti pakabuklan iti PNP iti laksid ti pannakaital-o ti ranggona a four-star general ken pormal a nagakem a kas daulo ti puersa ti polisia iti entero a pagilian.
Impaganetget ni Nartatez nga agtalinaed ti kinatalged iti uneg ti PNP.
Inlawlawagna nga agtalinaed dagiti agdama a direktiba iti panangsaranget iti krimen ken kinatalged ti komunidad, ken ti panagtultuloy dagiti key operational units iti panangtamingda kadagiti dadakkel a krimen, panangkontra iti terorismo, ken kinatalged ti pagilian.
Imbalakad ni Nartatez kadagiti nangato nga opisial ken kadagiti kameng ti polisia nga ipamaysada ti atensionda iti panangtungpal iti annongenda, ken ti panangipakatda iti disiplina, propesionalismo, ken panagserbi kadagiti umili nga isu ti kangrunaan a prioridad ti PNP iti sidong ti panagturayna.
'Natibker, diplomatiko' a wagas iti panangsaranget iti China, anamongan ni Marcos
Nagsapata ni Nartatez iti sango ni Presidente Marcos iti Malakanyang idi Enero 28. (Aaron Recuenco/Manila Bulletin//Lito Hilidon/Bannawag)
