Raemen ni President Marcos Jr. ti pangngeddeng ti Korte Suprema (SC) a nangpatalged iti immuna a desisionda nga unconstitutional ti kaso nga impeachment kontra ken ni Bise Presidente Sara Duterte gapu ta nalabsing ti one-year bar a paglintegan.
Iti maysa a press briefing ita ng aaldaw, Enero 30, kinuna ni undersecretary ti Presidential Communications Office (PCO) Claire Castro a bigbigen ti administrasion a ti SC ti maudi a mangikeddeng kadagiti legal a saludsod.
Impaganetget ni Castro nga itultuloy ti administrasion nga ilungalong dagiti polisiana iti laksid ti mapasamak iti isyu ti impeachment.
Mainaig iti napigsa a sayangguseng a pannakaipila ti baro a kaso ti impeachment wenno pannakaamendar ti paglintegan ti impeachment iti Kamara, kinuna ni Castro a saan a makibiang ti presidente ta trabaho ti Kamara daytoy.
Filipinas, China, pagsaritaanda dagiti parikut iti South China Sea
Ngem inlawlawag ni Castro a saan nga absuelto ni Duterte kadagiti kasona, segun iti desision ti SC. (Argyll Cyrus Geducos/Manila Bulletin//Lito Hilidon/Bannawag)
