Inwaragawag ti Philippine Atmospheric, Geophysical and Astronomical Services Administration (PAGASA) nga uppat agingga 11 a bagyo ti mabalin a mabukel wenno sumrek iti Philippine Area of Responsibility (PAR) manipud Pebrero agingga Hulio.
Iti kaudian a datos ti PAGASA, kinuna ni weather specialist Joey Figuracion nga awan wenno maysa laeng a bagyo ti ekspektaren a sumrek iti tunggal bulan ti Pebrero, Marso, ken Abril.
Maysa wenno dua a bagyo ti ekspektaren a sumrek iti tunggal bulan ti Mayo ken Hunio.
Innayon ni Figuracion a sagsagrapen latta ti pagilian ti nakapuy a La Niña.
Filipinas, China, pagsaritaanda dagiti parikut iti South China Sea
Kaipapanan daytoy a napudpudot ti temperatura ngem iti gagangayna, nangruna iti Philippine Sea, idinto a nalamlamiis ti temperatura iti rabaw ti baybay iti central ken equatorial Pacific.
Ngem ekspektaren ti PAGASA a kumapsut pay ti La Niña agingga nga agbalin a neutral ti kasasaadna iti nagbaetan ti Enero ken Marso 2026. (Ellalyn De Vera-Ruiz/Manila Bulletin//Lito Hilidon/Bannawag)
