Imballaag ti kangatuan a daulo ti Iran idi Pebrero 1, nga ania man a panangraut ti Estados Unidos (US) ket mangpasged iti "gubat iti rehion" iti Middle East, a nangpakaro iti risiris bayat ti panangpangta ni Presidente Donald Trump a panangiwayatna iti panangraut ti militar iti Islamiko a pagilian.
Dagiti komento ni 86 ti tawennan nga Ayatollah Ali Khamenei ket maysa a direkta a pangta kabayatan ti idadateng ti aircraft carrier USS Abraham Lincoln ken dadduma pay a bapor ti Amerikano iti Arabian Sea, nga imbaon ni Trump sadiay kalpasan ti nadara a pananglapped ti Iran iti panagprotestar a maar-aramid iti entero a pagilan.
Saan ketdi a nalawag no agusar ni Trump iti puersa, nupay kunana idi a kayat ti Iran ti makiuman ken dinakamatna ti nuclear program ti Iran a maysa kadagiti kayatna a risuten.
Ngem panggep ti Iran nga isayangkat ti live-fire military drill inton Domingo ken Lunes (Enero 8-9) iti Strait of Hormuz, ti nailet a ngarab ti Persian Gulf a pagpagnaan dagiti dadduma nga agibibiahe iti lana.
Estados Unidos, immikkat iti WHO
Iti sabali a bangir, kinuna ti panakangiwat ti parliamento ti Iran nga ibilangdan a terorista dagiti amin a militar a puersa ti European Union. (The Associated Press/Manila Bulletin//Lito Hilidon/Bannawag)
