Irugin ti Committee on Justice ti Kamara ita nga aldaw, Pebrero 2, ti panangtingitingda iti "sufficiency in form and substance" dagiti dua a kaso nga impeachment a maibusor ken ni Presidente Marcos Jr.
Segun ken ni Batangas 2nd district Rep. Gerville Luistro a daulo ti komite, rugianda ti panangbistada iti dua nga impeachment complaint iti 10:00 iti agsapa.
Tamingenda dagiti impeachment complaint nga impila ni Andre de Jesus, ken dagiti dati a kongresman ti Makabayan bloc ken militante a grupo.
Denggenda ita nga aldaw ti panglukat a bitla dagiti nangipila iti reklamo, sa pagtiponenda dagitoy, ket angayenda ti hearing agingga inton Mierkoles, Pebrero 4.
Linteg a mangikkat ti travel tax, impila ni Rep. Marcos
Gandat ti hearing a sukimaten no pumasa met laeng dagiti impeachment complaint iti panangtingitingda no "sufficient in form and substance" met laeng dagitoy.
Kuna ni Bicol Saro Party-list Rep. Terry Ridon a kameng ti komite nga agbasar ti proseso ti impeachment iti kinapudno ken ebidensia, ket usaren dagiti kongresman ti konsiensia iti panagdesisionda. (Ellson Quismorio/Manila Bulletin//Lito Hilidon/Bannawag)
