Nalasat ti dua nga impeachment complaint a maibusor ken ni Presidente Marcos Jr. ti umuna a proseso idi Pebrero 2 kalpasan a naideklarar a "sufficient in form" dagitoy.
Segun ken ni Batangas 2nd district Rep. Gerville Luistro, daulo ti Committee on Justice ti Kamara, kitaenda met ita nga aldaw, Pebrero 3, no "sufficient in substance" dagiti impeachment complaint.
Babaen ti botos a 46-1-1 (wen-saan-abstained) indeklarar ti Committee on Justice ti Kamara a sufficient in form ti impeachment complaint nga impila ni Andre de Jesus idi Enero 19.
Indeklarar met ti komite a "sufficient in form" ti impeachment complaint nga impila da Liza Maza, Teddy Casiño, France Castro, Arlene Brosas, ken Neri Colmenares babaen ti botos a 45-9-1 (wen-saan-abstained).
Linteg a mangikkat ti travel tax, impila ni Rep. Marcos
Napardas ken simple laeng ti deliberasion ti komite ta kinita laeng dagiti kongresman no kusto met laeng dagiti pirma ken pannakanotario dagiti naidatag a dokumento. Nalpas ti taripnongda iti las-ud ti dua nga oras.
Ngem saan a kasta kasimple ti maaramid a deliberasion ita nga aldaw, Pebrero 3, ta kitaenda no adda ebidensia wenno pammaneknek kadagiti naipila a kaso ti impeachment kontra iti presidente. (Ellson Quismorio/Manila Bulletin//Lito Hilidon/Bannawag)
