Insardeng pay laeng ti Committee on Justice ti Kamara ita nga aldaw, Pebrero 3, ti panagbobotosda no "sufficient in substance" ti umuna nga impeachment complaint a maibusor ken ni Presidente Marcos Jr., kalpasan ti nainget a panangsukimatda gapu iti kaawan ti merito daytoy.

Nasurok a tallo nga oras ti binusbos dagiti kameng ti komite a nangtingiting iti kaso nga impeachment nga impila ni Andre de Jesus.

Nagduadua dagiti kameng ti komite no umdas a pagibasaran ti impeachment ti alegasion ni De Jesus a drug addict ni Presidente Marcos.

Binabalaw ni Batangas 2nd district Rep. Gerville Luistro, daulo ti komite, ti impeachment complaint ni De Jesus gapu ta nagpannuray laeng daytoy iti sayangguseng, ket saan nga iti kinapudno.

Nasional

Linteg a mangikkat ti travel tax, impila ni Rep. Marcos

Kinuna ni Luistro a pagbobotosanda no "sufficient in substance" ti impila ni De Jesus inton Pebrero 4 tapno maikkan iti umdas a panawen dagiti kameng ti komite nga agpanunot. (Ellson Quismorio/Manila Bulletin//Lito Hilidon/Bannawag)