Anamongan ni Senador Robinhood Padilla a mabaliwan ti liderato iti Senado no makadanon sadiay ti kaso nga impeachment a maibusor ken ni Bise Presidente Sara Duterte.
Iti maysa nga interbiu idi Pebrero 3, kinuna ni Padilla nga awan ti rason a masuktan ti Senate President malaksid no ti impeachment ni Duterte ti pagsasaritaan.
Inyebkas ni Padilla ti nasged a panangsuportarna iti bise presidente ken ti panangsupiatna iti ania man a kaso ti impeachment kontra kenkuana.
Segun ken ni Padilla, kaykayatnan nga aggapu iti minority bloc ti agpaay a Senate President a mangsuportar ken ni Duterte.
Linteg a mangikkat ti travel tax, impila ni Rep. Marcos
Tinagibassit ni Padilla dagiti sayangguseng nga adda kudeta iti liderato iti Senado, ket kinunana a pattapatta laeng daytoy nga isyu ken saan a maiddep.
Kinuna daytoy ni Padilla kalpasan a pinatalgedan ni Senate President Vicente "Tito" Sotto III ti impudno kenkuana ni Sen. Loren Legarda nga inasitgan isuna dagiti kameng ti minoria ket indiayada kenkuana ti saad a kina-Senate President, ngem saanna nga inawat daytoy. (Dhel Nazario/Manila Bulletin//Lito Hilidon/Bannawag)
