Inlawlawag ni Senate President Vicente “Tito” Sotto III ita nga aldaw, Pebrero 5, a saan pay nga opisial a dokumento ti maysa a draft committee report, isu a saan a mabalin nga ipablaak daytoy iti publiko.
Kinuna daytoy ni Sotto kalpasan ti pannakaipila ti petision nga agkidkiddaw iti sibubukel a pannakaipablaak ti report ti Blue Ribbon Committee ti Senado mainaig kadagiti naanomalia a flood control project.
Idi Pebrero 4, nangidatag ni Atty. Marvin Aceron, kaduana ti dua pay nga abogado, nga agkidkiddaw iti full disclosure ti partial report ti Blue Ribbon Committee.
Segun ken ni Aceron, impablaak ti media ti draft ti report ken tallo a senador -- da Joseph Victor “JV” Ejercito, Sherwin Gatchalian ken Senate Majority Leader Juan Miguel “Migz” Zubiri -- ti nangibabawi iti pirmada.
Kiddaw ni Duterte a saan a dumar-ay iti confirmation hearing, sinupiat ti ICC prosecutor
Agtalek ni Sotto a kabaelan ti komite nga idadauluan ni Senate President Pro Tempore Panfilo “Ping” Lacson, a sungbatan ti kastoy a kita ti petition. (Hannah L. Torregoza/Manila Bulletin//Lito Hilidon/Bannawag)
