Sisasagana ti kampo ni Bise Presidente Sara Duterte a mangilawlawag kadagiti kontrobersia iti impeachment complaint a naipila kontra kenkuana, agraman ti misterosio a "Mary Grace Piattos."
Daytoy ti kinuna ni Michael Poa, maysa kadagiti abogado ni Duterte, idi Pebrero 4, kalpasan nga inyendorso dagiti kameng ti Kamara ti dua nga impeachment complaint a naipila a maibusor kenkuana.
Agtalinaed a misterio ti kinasiasino ti Mary Grace Piattos, a maipagarup nga immawat iti kontrobersial a pondo manipud iti opisina ni Duterte, kalpasan nga impakni ti Senado ti umuna a kaso nga impeachment kontra ken Duterte idi Agosto 2025.
Dinillaw dagiti kongresman ti nagan a "Mary Grace Piattos" bayat ti panagimbestigar ti Kamara iti confidential funds ni Duterte, ta awan ti birth, marriage wenno death certificate daytoy a tao segun iti Philippine Statistics Authority. (Hannah L. Torregoza/Manila Bulletin//Lito Hilidon/Bannawag)
