Impakdaar ti Philippine Atmospheric, Geophysical and Astronomical Services Administration (PAGASA) ita nga aldaw, Pebrero 6, a posible nga agdisso manen iti daga ni Bagyo Basyang kadagiti sumarsaruno nga oras ita a Pebrero 6 bayat ti panagtultuloy daytoy a mangtupar iti amianan ti Mindanao, kalpasan a nagdisso idi Huebes (Pebrero 5) iti rabii.
Nagdisso ni Bagyo Basyang iti Bayabas, Surigao del Norte idi 11:50 iti rabii ti Huebes.
Itay 4:00 ti parbangon, nasaripatpatan ti PAGASA ti sentro ni Basyang iti Jabonga, Agusan del Norte.
Segun iti PAGASA, mabalin nga umasideg wenno agdisso ni Basyang iti Bohol ita nga agsapa ti Biernes, ken iti abagatan a paset ti Cebu ken Negros Oriental iti baet ti bigat ken malem.
Kiddaw ni Duterte a saan a dumar-ay iti confirmation hearing, sinupiat ti ICC prosecutor
Inton makalabas iti Central Visayas, ekspektaren ti PAGASA nga agturong ni Basyang iti Sulu Sea, lumabas iti asideg ti Cuyo Island ken lumabas iti amianan a paset ti Palawan.
Agpigsa ni Basyang iti 65 a kilometro kada oras iti asideg ti sentrona, ken pugso nga agingga iti 90 a kilometro kada oras.
Agtalinaed iti Tropical Cyclone Wind Signal (TCWS) No. 2 ti Southern Leyte, Bohol, sentro ken abagatan a paset ti Cebu, Siquijor, Negros Oriental, abagatan a paset ti Negros Occidental, Dinagat Islands, Surigao del Norte, abagatan a paset ti Surigao del Sur, Agusan del Norte, abagatan a paset ti Agusan del Sur, Camiguin, Misamis Oriental, amianan a paset ti Bukidnon, ken dayaen a paset ti Misamis Occidental.
Adda latta iti TCWS No. 1 ti abagatan a paset ti Occidental Mindoro, abagatan a paset ti Oriental Mindoro, Romblon, amianan a paset ti Palawan agraman ti Calamian, Cuyo, ken Cagayancillo Islands, abagatan a paset ti Masbate, abagatan a paset ti Eastern Samar, abagatan a paset ti Samar, Biliran, dadduma a paset ti Leyte, dadduma a paset ti Cebu, dadduma a paset ti Negros Occidental, Guimaras, Iloilo, Capiz, Aklan, Antique, dadduma a paset ti Surigao del Sur, dadduma a paset ti Agusan del Sur, amianan a paset ti Davao Oriental, amianan a paset ti Davao de Oro, amianan a paset ti Davao del Norte, sentro ti Bukidnon, Lanao del Norte, dadduma a paset ti Misamis Occidental, Lanao del Sur, sentro ken daya a paset ti Zamboanga del Norte, amianan ken sentro a paset ti Zamboanga del Sur, amianan a daya a paset ti Zamboanga Sibugay.
Kinuna ti PAGASA nga agtalinaed ni Basyang iti kasasaadna a kas bagyo bayat a lumabas iti Central ken Western Visayas, ngem in-inut a kumapsut daytoy bayat a tuparenna ti daga. (Ellalyn De Vera-Ruiz/Manila Bulletin//Lito Hilidon/Bannawag)
