Sisasagana ti gobierno ti Filipinas a tulongan dagiti Filipino iti Estados Unidos (US) a mairaman iti panangtiliw kadagiti imigrante nga insayangkat ti administrasion ni Trump, segun ken ni Embahador ti Filipinas iti US Jose Manuel Romualdez ita nga aldaw, Pebrero 6.
Segun ken ni Romualdez, kanayon nga ibalbalakadda kadagiti Filipino nga adda iti US a no awan ti legal a papelda ket nasaysayaat laengen nga agboluntarioda a pumanaw sadiay, ngem mabalin a tulonganda dagiti adda legal a papelda.
Kinuna ni Romualdez a tumulong ti Embahada ken Konsulada ti Filipinas iti US babaen ti panangpapardas, wenno panangsapulda iti immigration officer a makatulong, iti kasoda.
Ngem inlawlawag ni Romualdez a saan a dagiti Filipino ti puntiria ti US iti panangipatungpalda iti nainget a linteg ti imigrasion. (Joyce Ann L. Rocamora/PNA//Lito Hilidon/Bannawag)
