Inawis ni Presidente ti Estados Unidos (US) Donald Trump ni Presidente Mracos Jr. a makipagkameng ti Filipinas iti Board of Peace.
Segun ken ni Embahador ti Filipinas iti US Jose Manuel "Babes" Romualdez idi Pebrero 5, nangipatulod ni Trump iti surat ken Marcos babaen ti White House a mangaw-awis a makipagkameng ti Filipinas iti nasao nga organisasion.
Nayusuat idi Enero ti Board of Peace ni Trump, nga iti agdama ket addan 26 a mangirugi a kamengna. Panggep ti gunglo ti tumulong iti panangpatalinaed iti kappia iti Middle East kalpasan ti panaggubat ti Israel ken Gaza.
Tunggal pagilian nga agkameng ket masapul a mangted iti $1 a bilion para iti pondo ti organisasion.
VP Sara, tinagibassitna ti impeachment complaint iti Kamara
Ngem inlawlawag ni Romualdez a silulukat laeng ti Filipinas a mangipaay iti saan a kuarta a kontribusion kas iti human resources. (Joseph Pedrajas/Manila Bulletin//Lito Hilidon/Bannawag)
