Maysa laengen a low-pressure area (LPA) ni Bagyo Basyang (Penha) bayat ti panagpalaudna iti Sulu Sea, segun iti Philippine Atmospheric, Geophysical and Astronomical Services Administration (PAGASA) ita nga aldaw, Pebrero 7.
Kinuna ni PAGASA weather specialist Leanne Loreto a kimmapsut ni Basyang itay 2:00 iti parbangon gapu iti kasasaad ti panawen ken kalpasan ti panagdissona iti daga iti Mindanao ken Visayas.
Itay 4:00 iti parbangon, nasaripapatan ti sentro ti LPA iti 105 a kilometro abagatan a daya ti Cuyo, Palawan, ken agpaladu iti kapardas a 25 a kilometro kada oras.
Awanen ti naibayog a tropical cyclone wind signal.
VP Sara, tinagibassitna ti impeachment complaint iti Kamara
Nupay maysa laengen nga LPA, impakdaar ti PAGASA a mangyeg latta daytoy iti napipigsa a tudo idi nadumaduma a paset ti Visayas ken Palawan; idinto a ti amian (northeast monsoon) ti mangyeg iti nasalemsem a panawen iti Northern ken Central Luzon kadagiti mapasungad nga al-aldaw. (Ellalyn De Vera-Ruiz/Manila Bulletin//Lito Hilidon/Bannawag)
