"Maysa a papel nga awan ti ebindensiana."
Kastoy nga inladawan ni Bise Presidente Sara Duterte ita nga aldaw, Pebrero 7, dagiti baro a naipila nga impeachment complaint a maibusor kenkuana.
Segun ken ni Duterte, saanen a baro kenkuana ti pananggandat dagiti kalabanna iti politika a maikkat isuna iti pagsaadanna, kalpasan a pimmanaw iti gabinete ni Presidente Marcos Jr.
Kinuna ni Duterte nga awan ti krediblidad ti grupo nga Akbayan a nangipila iti kaso nga impeachment gapu ta adda panggep ti daulo daytoy a ni Senador Risa Hontiveros nga agkandidato a kas presidente.
Bagyo Basyang, nagbalin laengen nga LPA
Dua a kaso ti impeachment a sanguen ni Duterte. Maikadua iti daytoy ti inyendorso da Mamamayang Liberal Party-list Representative Leila de Lima ken Akbayan Party-list Representative Perci Cendaña.
Kinuna ni Duterte a maysa a kita ti panangriribuk ken panangabuso iti proseso ti impeachment dagiti impeachment complaint a naipila kontra kenkuana.
Innayon ni Duterte a saan a nalawag no ania ti iruprupir dagiti nangipila iti kaso nga imepachment a maipaay iti kinaurnos ti pagilian. (Joseph Pedrajas/Manila Bulletin//Lito Hilidon/Bannawag)
