Inanamongan ni Presidente Marcos Jr. dagiti 21 a gakat a linteg a prioridad ti gobierno, a pakairamanan ti pannakaikkat ti travel tax, segun iti Malakanyang.
Iti naangay a taripnong ni Marcos ken ti Legislative Executive Development Advisory Council (LEDAC) idi Pebrero 10, nagsasaritaanda dagiti maipangpangruna a gakat a linteg a masapul a maanamongan inton Hunio.
Naaprobaran a priority bill ti Travel Tax Abolition, Expanded Anti-Online Sexual Abuse or Exploitation of Children and Anti-Child Sexual Abuse or Exploitation Materials Act of 2026, Fake News and Digital Disinformation, ken Bangsamoro Autonomous Region in Muslim Mindanao (BARMM) Elections.
Nairaman pay kas priority bill ti Anti-Political Dynasty Law, Citizen Access and Disclosure of Expenditures for National Accountability wenno CADENA Act, ti Independent People’s Commission Act, Partylist System Reform Act, Right to Information Act, pannakaamendar ti Bank Deposits Secrecy Law/Banking Reform for Integrity; Good Governance, Honesty, and Transparency (BRIGHT) Act; pannakaamendar ti Coconut Farmers and Industry Trust Fund Act, pannakaamendar ti Pantawid Pamilyang Pilipino Program (4Ps) Act, pannakaamendar ti Masustansyang Pagkain Para sa Batang Pilipino Act, pannakaamendar ti Government Assistance to Students and Teachers in Private Education (GASTPE) Act, Classroom-Building Acceleration Program (CAP) Act, National Center for Geriatric Health Act, Waste-to-Energy Bill/Waste Treatment Technology Act, pannakaamendar ti Rice Tariffication Law/Rice Industry and Consumer Empowerment (RICE) Act, Estate Tax Amnesty, ken ti Department of Water Resources Bill.
Panagasmang ti DepEd, LGU, mangpadaras iti pannakaipatakder dagiti siled-pagadalan
Segun ken ni undersecretary ti Presidential Communications Office (PCO) Claire Castro, napnek ni Marcos kadagiti naaprobaran a priority bill a manamnama a maipasa sakbay ti Hunio itoy a tawen. (Betheena Unite/Manila Bulletin//Lito Hilidon//Bannawag)
