Pormal a pinatalgedan in Presidente Marcos Jr. ti panagasmang ti Department of Education (DepEd) ken dagit gobierno probinsial tapno mapapardas ti pannakaipatakder dagiti siled-pagadalan iti entero a pagilian, tapno adda natalged ken disente a pasilidad nga usaren dagiti Filipino nga estudiante.
Iti panangpirma iti memorandum of agreement a naangay iti Malakanyang ita nga aldaw, Pebrero 11, dinakamat ti presidente ti parikut a sagsanguen ti sektor ti edukasion, idinto nga adu ti masapul a maipatakder a pasilidad.
Segun ken ni Marcos, agkurang iti 145,000 a siled-pagadalan idi Disiembre 2025.
Maibasar iti baro a katulagan, mabaliwan dagiti annongen tapno mapapardas ti pannakaipatakder kadagiti siled-pagadalan babaen ti pannakipaset dagiti local government unit (LGU).
21 a priority bill, inaprobaran ni Marcos
Ti DepEd ti mangisaad iti teknikal nga estandarte ti pasdek, disenio, ken panangpondo iti suplay, idinto a ti LGU ti mangiwardas iti panaggatang ken pannangipatakder tapno maliklikan ti pannakaitantan dagiti proyekto.
Impasingked ni Marcos a ti edukasion latta ti prioridad ti administrasionna. (Argyll Cyrus Geducos/Manila Bulletin//Lito Hilidon/Bannawag)
