Dua a tawen laengen ti natda iti administrasion ni Presidente Marcos Jr., ngem impakita ti supermajority bloc iti Kamara a natibker latta ti suportada kenkuana.
Nabatad daytoy gapu iti panagbotos dagiti dadakkel a partido politikal iti Kamara iti plenario idi Pebrero 10, a nangwaswas iti dua nga impeachment complaint kontra ken ni Marcos.
Babaen ti botos a 284-8-4 (wen-saan-abstain) nawaswas ti dua nga impeachment complaint kas inrekomendar ti Committee Report No.111 nga indatag ti Committee on Justice.
Immanamong iti pannakawaswas ti impeachment complaint dagiti kongresman a kameng ti Lakas-Christian Muslim Democrats (Lakas-CMD), National Unity Party (NUP), Nationalist People's Coalition (NPC), Nacionalista Party (NP), Partido Federal ng Pilipinas (PFP), ken Party-list Coalition Foundation, Incorporated (PCFI).
Panagasmang ti DepEd, LGU, mangpadaras iti pannakaipatakder dagiti siled-pagadalan
Segun ken ni assistant minority leader Bagong Henerasyon (BH) Party-list Rep. Robert Nazal, ti proseso ti impeachment ket pinnaaduan iti botos, isu a dagiti kaaliado ni Marcos iti supermajority bloc ti masurot. (Ellson Quismorio/Manila Bulletin//Lito Hilidon/Bannawag)
