Binilin ni Presidente Marcos Jr. dagiti gobernador a pardasanda ti agiwaras kadagiti ayuda ken tumulong kadagiti lugar nga inapektaran ti didigra.
Inruar ni Marcos daytoy a direktiba kalpasan ti pannakitaripnongna kadagiti gobernador dagiti probinsia a naapektaran ni Bagyo Basyang ken sumagmamano a kameng ti gabinete, ita nga aldaw, Pebrero 12.
Segun iti Presidential Communications Office (PCO), imbilin ni Marcos ti nasakbay a pannakairuar dagiti pondo para iti panagsagana iti didigra, pannakapasimple iti panangiwaras iti tulong, ken ti nadaras a pannakaipaay iti bukel kadagiti mannalon tapno maisubli ti trabaho ti agrikultura kalpasan ti bagyo.
Imbilin ni Marcos ti panagsagana iti pannakaipaay ti tulong pinansial ken pannakaan-anay dagiti sayangkat a mangdalus kadagiti karayan tapno makissayan ti posibilidad ti panaglayus.
Pannakarepaso dagiti linteg mainaig iti industria ti asukar, inlungalong ni Sen. Hontiveros
Dimmar-ay iti taripnong dagiti gobernador ti nadumaduma a probinsia a da Damian Mercado (Southern Leyte), Humerlito Dolor (Oriental Mindoro), Eduardo Gadiano (Occidental Mindoro), Ralph Evardone (Eastern Samar), Harris Ongchuan (Northern Samar), Carlos Petilla (Leyte), Patrick Azanza (Catanduanes), ken ti Acting Governor ti Samar a ni Arnold Tan. (Betheena Unite/Manila Bulletin//Lito Hilidon/Bannawag)
