Inadaptar dagiti kameng ti Kamara idi Pebrero 11 ti House Resolution (HR) No. 758 a mangipaay iti pammadayaw iti pimmusay a dati a House Speaker Jose C. de Venecia Jr.

Inyebkas ti resolusion ti pannakipagrikna dagiti kameng ti Kamara iti pamilia ni De Venecia a nagpaay a kas speaker ti Kamara iti 9th, 12th, 13th, ken 14th Congress.

Kaingungotna ni Pangasinan Fourth District Rep. Ma. Georgina P. de Venecia.

Naipakaammo met ti maangay a memorial service para ken ni De Venecia inton Lunes, Pebrero 16 iti plenary hall ti Kamara.

Nasional

Zaldy Co, indeklarar a kas pugante ti maysa pay a dibision ti Sandiganbayan

Pimmusay ni De Venecia, chairman emeritus ti partido Lakas-Christian Muslim Democrats (Lakas-CMD), idi Pebrero 10 iti tawenna nga 89. (Ellson Quismorio/Manila Bulletin//Lito Hilidon/Bannawag)