Kaso a graft ti naipila iti Sandiganbayan kontra ken ni Col. Hector Udani Grijaldo Jr. ti Philippine National Police (PNP) ken maysa pay nga opisial, gapu iti panangipalubosda nga agtrabaho dagiti polis iti pannakaipatakder iti pribado a pasdek iti Siudad it Cebu manipud 2019 agingga 2020.
Naipan iti fourth division ti Sandiganbayan ti kaso da Grijaldo ken Senior Police Officer Jesus P. Batobalonos ti Regional Mobile Force Battalion 7 a panaglabsing iti Section 3(e) ti Republic Act No. 3019, wenno ti Anti-Graft and Corrupt Practices Act.
Nairekomendar ti ₱90,000 a piansa ti tunggal maysa kadakuada.
Segun kadagiti prosecutor ti Ombudsman, inusar dagiti opisial dagiti iturayanda a polis nga agtrabaho iti pannakaipatakder ti maysa a pribado a pasdek a kukua ni Grijaldo iti Sitio Cantipla, Barangay Tabunan, Cebu City manipud Agosto 2019 agingga Abril 2020.
Kiddaw ni Duterte a saan a dumar-ay iti confirmation hearing, sinupiat ti ICC prosecutor
Kuna dagiti prosecutor a nangipaay iti saan a nainkalintegan a benepisio ni Grijaldo ti inaramid dagiti opisial, a nagresulta iti pannakadadael iti biang ti gobierno nga agbalor iti ₱9,435,144. (Czarina Nicole Ong Ki/Manila Bulletin//Lito Hilidon/Bannawag)
