Kiniddaw ti Korte Suprema (SC) ken ni Ombudsman Jesus Crispin Remulla nga agkomentar iti petision nga impila ni dati a kongresman Zaldy Co a nangkuestionar iti pannakaidarumna maipuon iti ₱289.5 a milion a flood control project iti Naujan, Oriental Mindoro.
Manamnama nga iruaren ti SC ti resolusion iti petision ni Co inton umay a lawas. Gagangay nga ikkan ti SC ti gundaway nga agkomentar ti maysa a respondent iti las-ud ti 10 nga aldaw manipud pannakaawatna iti resolusion.
Kalpasan a maipila ti komento ken sungbat ti nagpetision (no adda), mabalinen a pagsasaritaan ti SC ti kiddaw ni Co a temporary restraining order (TRO) a manglapped iti panagtulid ti kasona iti Sandiganbayan.
Iti petision, kinuna ni Co a saan nga impaayan ti Ombudsman iti kalinteganna iti due process iti panangipila ti Ombudsman iti kaso a graft ken non-bailable malversation of public funds kontra kenkuana iti Sandiganbayan idi Nobiembre 14, 2025.
₱20-M a gunggona, maited kadagiti makaipatuldo iti yan ni Atong Ang
Malaksid iti daytoy, adda pay kaso ni Co a nakapila iti seventh division ti Sandiganbayan. (Rey G. Panaligan/Manila Bulletin//Lito Hilidon/Bannawag)
