Imbilin ni Presidente Marcos Jr. ti pannakairuar ti ₱321 a milion a tulong pinansial para kadagiti ili nga inapektaran ni Bagyo Basyang, kas kuna ti Malakanyang.
Segun ken ni Executive Secretary Ralph Recto, nairaman iti direktiba dagiti 35 a probinsia ken walo a siudad, a maipaayan a dagus iti pondoda kas maitunos iti bilin ti presidente.
Maibasar iti waragawag ti Office of Civil Defense, 12 a tao ti natay gapu iti epekto ti bagyo.
Makaawat iti pondo dagiti probinsia ti Surigao del Sur, Surigao del Norte, Dinagat Islands, Negros Oriental, Agusan del Norte, Agusan del Sur, Misamis Oriental, Bohol, Negros Occidental, Capiz, Aklan, Leyte, Cebu, Catanduanes, Iloilo, Camarines Sur, Camiguin, Eastern Samar, Sorsogon, Misamis Occidental, Southern Leyte, Masbate, Lanao del Norte, Antique, Davao de Oro, Davao del Norte, Camarines Norte, Bukidnon, Siquijor, Zamboanga del Norte, Samar, Northern Samar, Occidental Mindoro, ken Oriental Mindoro.
Melvin Matibag, baro a direktor ti NBI
Nairaman iti listaan dagiti siudad ti Iligan, Cagayan de Oro, Bacolod, Butuan, Cebu, Zamboanga, Iloilo, ken Mandaue.
Kiniddaw ni Recto kadagiti LGU a mangisubmiterda iti utilization report ti pondo kas maitunos iti paglintegan ken pagalagadan. (Argyll Cyrus Geducos/Manila Bulletin//Lito Hilidon/Bannawag)
