Agpigsa iti magnitude 5.0 ti ginggined a nangdayyeg iti baybay ti Ilocos Sur itay 9:36 iti bigat ita nga aldaw, Pebrero 16, segun iti Philippine Institute of Volcanology and Seismology (Phivolcs).
Iti damo a report ti Phivolcs, adda ti sentro ti ginggined iti 49 a kilometro iti abagatan a laud ti San Esteban, Ilocos Sur, iti kauneg a 10 a kilometro.
Narikna ti Intensity III (nakapsut) iti Vigan City, Ilocos Sur; Intensity II (apagrikna) iti Candon City, Ilocos Sur; Santol, La Union; ken Bontoc, Mountain Province; Intensity I (dandani saan a marikna) iti Narvacan, Ilocos Sur; ken Aringay, La Union.
Segun iti Phivolcs, tectonic, wenno panaggaraw ti aktibo a rengngat iti uneg ti daga, ti nakagubuayen ti ginggined.
Kiddaw ni Duterte a saan a dumar-ay iti confirmation hearing, sinupiat ti ICC prosecutor
Innayon ti Phivolcs nga awan ti naireport a nadadael, ngem nagballaag kadagiti rumsua nga afterschock. (Ellalyn De Vera-Ruiz/Manila Bulletin//Lito Hilidon/Bannawag)
