Inyusuat ti probinsia ti La Union ti panangrambak iti maika-176 a tawen ti pannakabangonna idi Pebrero 15, nga addaan iti tema a “Rikna ti Agkaysa."
Narugian ti selebrasion babaen ti maysa a unity walk, unity fun bike, ken photo exhibit iti nalatak a mall iti Siudad ti San Fernando.
Naiparang iti maysa nga eksibit dagiti ummong a ladawan ti kultural a tawid ken napateg paspasamak a nangbukel iti kasasaad ti probinsia ita.
Ginasut a cyclist ti nakipaset iti unity fun bike manipud iti ili ti Rosario agingga iti Sudipen.
Dua nga umili ti Santa, Ilocos Sur, naipaayan iti Fr. Jose Burgos Award
Dimmar-ay da Gobernador Mario Eduardo C. Ortega, Vice Gov. Eric Sibuma, ken dagiti opisial ti probinsia iti panaglukat iti eksibit.
Nairaman iti programa ti makabulan a panangrambak ti Battle of La Union Festivals Street Dancing, Grand Electric Float Parade, Culture and Arts Festival, Elyulympics, Rescuelympics, Agkaysa Concert, ken ti Mutia ti La Union 2026. (Liezle Basa Iñigo/Manila Bulletin//Lito Hilidon/Bannawag)
