Inatiw ni Alexandra Eala ti world No. 8 a ni Jasmine Paolini, 6-1, 7-6 (5), iti second round ti WTA 1000 Dubai Duty Free Tennis Championships ita nga aldaw, Pebrero 18 (oras iti Filipinas) a naangay iti Dubai Duty Free Tennis Centre iti United Arab Emirates.
Sumaruno a sanguen ni Eala, a nakagtengen iti ranggo a world No. 40 (maika-47 iti agdama, ngem adda itan iti maika-38 segun iti live rankings), ni world No. 41 Sorana Cirstea ti Romania, a nangatiw ken ni Linda Noskova ti Czech Republic a maika-10 iti ranggona iti sangalubongan a tennis. (Jean Malanum/PNA//Lito Hilidon/Bannawag)
Nasional
