Impaganetget ti Malakanyang a saan nga agleppas iti panagpadispensar laeng ti kaso a panangiwaras iti palso a medical record ni Presidente Marcos Jr.
Segun ken ni Undersecretary ti Presidential Communications Office (PCO)Claire Castro ita nga aldaw, Pebrero 18, masapul nga ipatungpal ti linteg ken madusa dagiti naglabsing iti linteg.
Kinuna daytoy ni Castro kalpasan a nagparang ti maysa kadagiti mapapati a nangiwaras iti palso a medical record ti presidente a ni vlogger Jack Argota iti opisina ti National Bureau of Investigation (NBI) tapno mangidatag iti statement-na.
Kinuna ni Castro a masapul nga ipatungpal ti linteg idinto a di rumbeng nga aramiden a barengbareng ti panag-content, aglalo no makaapektar daytoy iti tao a nadakamat iti content, nangruna kadagiti umili a mabalin a nakabuya kadagiti inwarasna a fake news.
Melvin Matibag, baro a direktor ti NBI
Nupay kasta, kinuna ni Castro a baybay-anda nga agtulid ti kaso, ken itaklindan iti NBI daytoy. (Betheena Unite/Manila Bulletin//Lito Hilidon/Bannawag)
