Patien dagiti kameng ti Makabayan bloc iti Kamara a panangallilaw laeng ti pudno a makagapu iti nakasaksakbay a panangipalgak ni Bise Presidente Sara Duterte iti panagngayangayna a kas presidente inton 2028.
Segun kada ACT Teachers Party-list Rep. Antonio Tinio, Gabriela Party-list Rep. Sarah Elago, ken Kabataan Party-list Rep. Renee Co, kayat laeng ni Duterte a tenglen ti sarita ken mangiparang iti bagina a kas biktima, gapu iti mapasungad nga impeachment proceeding kontra kenkuana.
Iti joint statement nga inruar dagiti tallo ita nga aldaw, Pebrero 8, kinunada a ti deklarasion ni Duterte -- dua a tawen sakbay ti 2028 -- ket saan a para iti panagserbina kadagiti Filipino, no di ket tapno iparangna iti publiko a ti kaso nga impeachment ket maysa laeng a panangriribuk kenkuana imbes a panangiwayat iti proseso ti Konstitusion tapno mausig ti maysa nga impeachable official.
Mabalin a mayawat dagiti kaso nga impeachment iti plenario ti Kamara iti ania man nga oras.
Melvin Matibag, baro a direktor ti NBI
Innayon ti Makabayan bloc a kayat laeng ni Duterte a paruaren a pasig a politika ti makaigapu kadagiti panagimbestigar kadagiti inar-aramidna.
"Saanyo nga allilawen dagiti tao, Apo Bise Presidente," kinuna ti Makabayan bloc. (Ellson Quismorio/Manila Bulletin//Lito Hilidon/Bannawag)
