Kayat ni House Majority Leader Ilocos Norte 1st district Rep. Sandro Marcos a pagbalinen a krimen ken dusaen dagiti mangipatakder iti substandard a proyekto ti gobierno.
Daytoy ti gapuna nga impila ni Rep. Marcos ti House Bill (HB) No.2811 wenno ti gakat a "Criminalizing Negligent Contractors Act."
Segun iti singasing ni Marcos, madusa iti kaso a krimen ti ania man a contractor, subcontractor, wenno tao a mangibagi kadakuada, a gapu iti panangbaybay-ada ket naipababa ti kalidad ti trabaho iti maysa a proyekto ti gobierno a nanglabsing iti naisaad iti kontrata, paglintegan, wenno teknikal a pakabuklan ti proyekto.
Maibasar iti gakat a linteg, madusa dagiti manglabsing babaen ti pannakaibalud iti di nababbaba ngem iti 6 a tawen ngem saan a nasursurok iti 12 a tawen; wenno agmulta iti di nababbaba ngem iti ₱10 a milion; wenno agpada, segun iti pangngeddeng ti korte.
Kiddaw ni Duterte a saan a dumar-ay iti confirmation hearing, sinupiat ti ICC prosecutor
Impila ni Rep. Marcos ti HB No.2811 kas sungbat iti panangbabalaw ni Presidente Marcos Jr. kadagiti naanomalia a flood control project idi naangay ti State of the Nation Addess (SONA) idi Hulio 28, 2025. (Ellson Quismorio/Manila Bulletin//Lito Hilidon/Bannawag)
