Inwaragawag ti Estados Unidos (US) ti gandatna a panangisaad iti kabaruanan a missile iti Filipinas iti baet dagiti illegal ken manangallilaw nga aramid ti China iti West Philippine Sea.
Imbatad ti joint statement ti Filipinas ken US idi Pebrero 17 ti gandatda para iti 2026 a mangipangpangruna iti panangpapigsa iti panagkaduada tapno maisubli ti panglapped iti Indo-Pacific.
Pagtalinaeden ti Filipinas ken US ti panagbantayda iti rehion tapno maliklikan ti risiris ken mabukel ti nabileg a wagas ken panangsalaknib tapno agtalinaed a siwawaya ti taaw ken saan a tenglen ti maymaysa laeng a pagilian.
Kinondenar ti US ken Filipinas ti illegal, agresibo ken manangallilaw a garaw ti China iti West Philippine Sea.
Melvin Matibag, baro a direktor ti NBI
Panggep met ti dua a pagilian a pasaknapen ti pannakiasmangda iti dadduma a pagilian kas iti Japan ken Australia ita a tawen. (Joseph Pedrajas/Manila Bulletin//Lito Hilidon/Bannawag)
