Inwaksi ni dati a presidente Rodrigo Duterte ti kalinteganna a tumabuno iti confirmation of charges hearing iti International Criminal Court (ICC) a maangay manipud Pebrero 23 agingga 27.
Iti maysa nga statement a pinirmaan ni Duterte idi Pebrero 17 manipud iti ICC Detention Centre iti The Hague, impalgakna ti saanna a pannakipaset iti confirmation of charges hearing gapu iti kasasaad ti salun-atna, ken gapu ta lakayen daytoy.
Impaganetget ni Duterte a saanna latta a bigbigen ti hurisdiksion ti ICC kenkuana.
Segun ken ni Duterte, naawatanna ti mabalin a pagbanagan ti saanna a pannakiraman ket intaklinan iti abogadona a ni Nicholas Kaufman ti panangkuestionar kadagiti ebidensia ti prosekusion iti biangna.
Melvin Matibag, baro a direktor ti NBI
Kinuna ni Duterte a saannaa kayat ti makipaset iti proseso babaen ti teknolohia.
Innayon ni Duterte nga inaklonnan ti posibilidad nga idiayen a matay, iti uneg ti detention facility ti ICC, ket impannakkelna dagiti nagapuananna ken ti panagserbina iti pagilian. (Argyll Cyrus Geducos/Manila Bulletin//Lito Hilidon/Bannawag)
