Naipila ti maikapat nga imepachment complaint a maibusor ken ni Bise Presidente Sara Duterte idi Pebrero 18, iti isu met laeng aldaw a panangipalgakna iti panggepna a tumaray a kas presidente inton 2028.
Ni abogado Nathaniel Cabrera manipud iti Lemery, Batangas ti nangipila iti maikapat nga impeachment complaint, ket inawat daytoy ni House Secretary General Cheloy Garafil idi 6:34 iti rabii.
Inyendorso da Deputy Speaker La Union 1st district Rep. Paolo Ortega V ken Manila 6th district Rep. Bienvenido "Benny" Abante ti nasao nga impeachment complaint.
Kas kadagiti impeachment complaint nga immunan a naipila, dinakamat ni Cabrera ti maipagarup a saan nga umno a pannakausar iti ₱612.5 a milion a confidential fund ti Office of the Vice President (OVP) ken Department of Education (DepEd) idi nagpaay a ni Duterte a sekretario daytoy.
Melvin Matibag, baro a direktor ti NBI
Naikkan ti Kamara iti panawen agingga inton Marso 2 a mangtaming kadagiti impeachment complaint kontra iti bise presidente. (Ellson Quismorio/Manila Bulletin//Lito Hilidon/Bannawag)
