Ni abogado Melvin Matibag ti nadutokan a baro a direktor ti National Bureau of Investigation (NBI), kas inwaragawag ni undersecretary ti Presidential Communications Office (PCO) Claire Castro ita nga aldaw, Pebrero 19.
Iti maysa a press briefing, kinuna ni Castro a kalintegan ti presidente no asino ti kayatna a dutokan, idinto nga adda panagtalek ni Marcos ken ni Matibag.
Ni Matibag ket dati a paset ti administrasion ni Duterte ken nalatak a kaaliado ni dati a presidente Rodrigo Duterte.
Nupay kasta, saanen nga inlawlawag ti Malakanyang no adda pakainaigan ti dati a pagkamengan iti politika ni Matibag iti pannakadutokna a kas daulo ti NBI.
Pannakaungaw ti kabakiran, pangta iti masakbayan ti Philippine Eagle
Ni Matibag ti mangsukat ken ni Lito Magno a nagpaay kas acting NBI chief kalpasan a naglusulos ni dati a direktor Jaime Santiago idi napan a tawen. (Darryl John Esguerra/PNA//Lito Hilidon/Bannawag)
