Nangipila ti minority bloc ti Senado iti resolusion a mangipalubos kadagiti Filipino a mangusar nga umuna iti legal a pamuspusan iti pagilian sakbay a sumango iti ania man a hurisdiksion ti internasional a korte.
Naipila ti Senate Resolution No. 307 idi Pebrero 18 a mangipeksa iti rikna ti minority bloc ti Senado a mangsalaknib kadagiti amin a Filipino manipud iti naidumduma a pannakaipatulod ken mangsigurado iti nainkalintegan a panawen sakbay a maisuko wenno maisubli ti Filipinas tapno agkiddawda iti tulong ti korte ken maaddaan iti legal a pamuspusan.
Buklen ti minority bloc ti Senado da Minority Leader Alan Peter Cayetano, Ronald Dela Rosa, Christopher Go, Robin Padilla, Imee Marcos, Rodante Marcoleta, Jinggoy Estrada, Francis “Chiz” Escudero, ken Joel Villanueva.
Naipila ti resolusion kalpasan a dinakamat ti International Criminal Court (ICC) da Go ken Dela Rosa kas co-perpetrators ni dati a presidente Rodrigo Duterte iti kasona a crimes against humanity iti ICC. (Hannah L. Torregoza/Manila Bulletin//Lito Hilidon/Bannawag)
