Mapan a 392 laeng a pares ti Philippine eagle ti kabaelan a suportaran ti natda a kabakiran ti pagilian, segun iti Philippine Eagle Foundation (PEF), maysa a non-governmental organization (NGO) iti Siudad ti Davao.
Segun ken ni Dr. Jayson C. Ibanez, direktor ti research and conservation division ti PEF, mabalin nga awanen dagiti Philippine eagle kadagiti bakir iti Leyte, Zambales, ken Mount Banahaw a nagbedngan ti probinsia ti Laguna ken Quezon, nupay napintas pay laeng ti kasasaad dagiti kabakiran sadiay.
Indeklarar ti International Union for the Conservation of Nature (IUCN) a nakabase iti Switzerland nga agpegpeggad a maungawen.
Ti pannakapukaw ti kabakiran ken pananganup ti tao babaen ti panangpaltog ken panangtiliw kadagitoy ti agbalin a pangta iti biagda.
Melvin Matibag, baro a direktor ti NBI
Segun iti datos ti Department of Environment and Natural Resources (DENR) adda agarup 15 a milion nga ektaria ti kabakiran ti Filipinas, ket 7 a milion kadagitoy ti aktual a sakup ti kabakiran.
Maibasar iti sukisok ti UN Food and Agriculture Organization (FAO), kasapulan ti sangapares ti Philipine eagle ti 7,000 agingga 13,000 nga ektaria ti kabakiran kas pagumokanda. (Henrylito D. Tacio/Manila Bulletin//Lito Hilidon/Bannawag)
