Isayangkat ti koalision dagiti grupo dagiti pasurot ni dati a presidente Rodrigo Duterte ti maysa a motorcade inton Marso 11 iti Villamor Air Base, kas pananglagipda iti umuna nga anibersario ti "napolitikaan a pannakaipanna" iti The Hague.
Segun iti grupo a Philippine Alliance for National Accountability (PANA) ken KAMPILAN ita nga aldaw, Pebrero 20, agmakatawenen inton Marso 11 ti aldaw a panangarestar ti International Criminal Court (ICC) ken Interpol ken ni Duterte, a naipan iti Villamor Air Base sakbay ti pannakaibiahena iti The Hague, a kunada a maysa a "panangkidnap ti estado."
Kinuna ti grupo a ti pannakayallatiw ni Duterte ket maysa a tignay tapno pagulimekanda ti nabileg a timek a dagiti umili ken saan a panangikankano iti sistema ti hustisia iti Filipinas.
Mangrugi ti motorcade iti 2:00 iti malem inton Marso 11, manipud White Plains Avenue, agturong iti EDSA, sa agleppas iti Villamor Air Base. (Argyll Cyrus Geducos/Manila Bulletin//Lito Hilidon/Bannawag)
