Impalgak ti Malakanyang a saan pay a panawen tapno ingato ti plete iti jeepney, iti laksid ti namin-anon nga ingingina ti presio ti lana, ta adda pay laeng ti provisional a ₱1 a panagngato ti pasahe, ken umdas a mangsakup iti gastos iti gasolina.
Iti maysa a press briefing ita nga aldaw, Pebrero 20, kinuna ni undersecretary ti Presidential Communications Office (PCO) Claire Castro a nakasaritana da Land Transportation Franchising and Regulatory Board (LTFRB) Chairman Vigor Mendoza ken Department of Transportation (DOTr) Secretary Giovanni Lopez mainaig iti kiddaw dagiti grupo ti transportasion.
Segun ken ni Castro, adda maang-angay a hearing ket ad-adalenda a naimbag no rumbeng a maingato ti plete iti jeepney.
Segun iti LTFRB, nasakbay pay wenno saan pay a panawen tapno maingato ti plete kas kidkiddawen dagiti drayber ken operator ti jeepney, gapu ta adda pay provisional fare increase a P1.
Gunglo dagiti pasurot ni dati a presidente Duterte, mangangay iti motorcade inton Marso 11
Ad-adalen pay ti LTFRB no ania ti mabalin a maitulong ti gobierno kadagiti drayber ken operator ti jeepney bayat ti agtultuloy nga ingingina ti presio ti lana.
Ngem ipangpangruna ti LTFRB ti saritaan mainaig iti pannakaingato ti plete iti bus gapu ta awan ti provisional fare increase dagitoy. (Argyll Cyrus Geducos/Manila Bulletin//Lito Hilidon/Bannawag)
