Situtured nga imbatad ti nalatak a kameng ti Liberal Party (LP) a ni Caloocan City 2nd district Rep. Edgar "Egay" Erice idi Pebrero 19 a ni Naga City Mayor Leni Robredo ti kasayaatan a kandidato a mabalin a kasalisal ni Bise Presidente Sara Duterte iti saad a presidente inton 2028.
Iti pannakisarita ni Erice kadagiti kameng ti media bayat ti naangay a public consultation mainaig iti Anti-Political Dynasty Law iti University of the Philippines-Cebu (UP-Cebu), kunana nga adda mangilunglungalong iti grupona a mangisaadda iti mabalin a kandidatoda a para presidente.
Patien ni Erice nga awan sabali a mabalin a mangsango ken ni VP Sara no di ni dati a VP Leni.
Ita pay laeng, sinungbatanen ni Erice dagiti saludsod no makikappon met laeng ni Robredo kadagiti Marcos sakbay a sanguenda ti nalatak a kandidato a ni Duterte.
Kiddaw a pannakaingato iti plete ti jeepney, ad-adalen ti LTFRB
Segun ken ni Erice, awan ti mulit ti panagkunniber ken ni VP Leni, ngem masapul nga agpilida no makikaduada iti administrasion wenno makisarangetda nga agmaymaysa. Ngem para ken ni Erice, nasaysayaat no makisarangetda nga agmaymaysa.
Nupay nagasmang da Presidente Marcos ken VP Duterte idi 2022 election, narpuog daytoy a panagkadua idi agangay, a namagbalin ken ni VP Duterte a kritiko metten ti administrasion. (Ellson Quismorio/Manila Bulletin//Lito Hilidon/Bannawag)
