Maysa manen a public consultation maipanggep iti anti-political dynasty bill ti naangay iti Siudad ti Cebu idi Pebrero 19.
Insayangkat ti House Committee on Suffrage and Electoral Reforms ti pannakayuman iti publiko iti University the Philippines-Cebu a dinar-ayan ti ginasut nga estudiante.
Segun ken ni Lanao del Sur first district Rep. Zia Alonto Adiong, naangay ti Visayas thread ti public consultation iti Cebu City ta maysa daytoy a kapatgan a lugar iti Central Visayas, ta kayatda a mangngeg ti kapanunotan dagiti umili mainaig iti maysa a reporma a saan pay a pulos a nagbalin a linteg sipud pannakabukel ti 1987 Constitution.
Sinungbatan ni Adiong dagiti kritiko manipud iti sektor ti negosio nga agkunkuna a "nakapuy" ti isingsingasingda a linteg, ket kunana a maysa laeng dayta kadagiti 24 a bersion ti anti-political dynasty bill a naidatag iti Kamara, isu a nangangayda iti public consultation tapno mapapintas ken mapapigsa pay ti adaptarenda a bersion ti singasing a linteg.
Ni Robredo ti napigsa a kasalisal ni VP Duterte --Rep. Erice
Dimmar-ay iti public consultation iti Cebu da Rizal 2nd district Rep. Emigdio P. Tanjuatco III, Bukidnon 2nd district Rep. Jonathan Keith Flores, Caloocan City 2nd district Rep. Edgar R. Erice, Kabataan party-list Rep. Renee Louise M. Co, Gabriela party-list Rep. Sarah Jane I. Elago, and Cebu City 1st district Rep. Rachel Marguerite del Mar.
Naangay ti umuna a public consultation iti Cavite itay kallabes, ket maangay ti sumaruno a public consultation iti Cagayan de Oro City ita nga aldaw, Pebrero 20. (Calvin Cordova/Manila Bulletin//Lito Hilidon/Bannawag)
