Inyebkas ni Executive Secretary Ralph Recto ti panagtalekna ken Melvin Matibag kas baro a director ti National Bureau of Investigation (NBI), kalpasan a nagsapata daytoy idi Pebrero 20 iti Malakanyang.
Patien ni Recto a pagtalinaeden ni Matibag ti nangato a kalidad ti serbisio ken pagalagadan ti NBI.
Indanon ni Recto ti bilin ni Presidente Marcos Jr. ken ni Matibag nga aramidenna koma ti NBI kas instrumento iti pananglapped iti krimen, pananggun-od iti hustisia, panagtalinaed ti kapia, ken panangbantay iti interes ti pagilian.
Nagyaman met ni Recto iti pasado a direktor ti NBI a ni Lito Magno, a nagserbi nga addaan iti integridad.
Marcos, Robredo, nagsarak iti Naga city
Nagpaay ni Matibag a kas acting cabinet secretary idi Marso 2022, iti maud-udi a bulan ti termino ni dati a presidente Rodrigo Duterte. (Argyll Cyrus Geducos/Manila Bulletin//Lito Hilidon/Bannawag)
