Opisial a narugianen (initiated) ti proseso ti impeachment a maibusor ken ni Bise Presidente Sara Duterte kalpasan a nayawat iti House Committee on Justice dagiti uppat a beripikado ken nayendorso nga impeachment complaint.
Indeklarar daytoy ni Deputy Speaker Iloilo 4th district Rep. Ferjenel Biron iti plenario ti Kamara ita nga aldaw, Pebrero 23.
Kaipapanan daytoy a saan nga impakat ti Kamara ti proseso nga inusarda idi 2025, a na-impeach ni Duterte babaen ti "fast-track" mode.
Ni Batangas 2nd district Rep. Gerville Luistro, daulo ti Committee on Justice, ti mangikeddeng iti pannakaangay ti public hearing tapno tingitingenda no "sufficient in form and substance" dagiti uppat nga impeachment complaint, kas iti naaramid iti kaso nga impeachment ni Presidente Marcos Jr. (Ellson Quismorio/Manila Bulletin//Lito Hilidon/Bannawag)
