Dinutokan ni Presidente Marcos Jr. ni Department of Environment and Natural Resources (DENR) undersecretary Juan Miguel Cuna kas acting secretary ti DENR, a kasukat ni dati a sekretario Raphael Lotilla.
Daytoy ti inwaragawag ni undersecretary ti Presidential Communications Office (PCO) Claire Castro idi Pebrero 27.
Napusgan ni Lotilla a kas Embahador ti Filipinas iti Holy See (Vatican).
Inlawlawag ni Castro a saan a naglusulos ken saanda met a pinaglusulos ni Lotilla.
Segun ken ni Castro, kaykayat ni Lotilla ti nalaglag-an nga akem.
Adda umdas a pangibatayan tapno makompirmar ti kaso ni Duterte --ICC prosecution
Sakbay ti pannakadutok ni Cuna a kas acting secretary ti DENR, nagpaay daytoy a kas Provincial Environment and Natural Resources Officer ti DENR manipud 2008 agingga 2010, sa napusgan kas DENR director manipud 2010 agingga 2015.
Nagbalin nga assistant secretary ti DENR idi 2017 sakbay a naital-o kas undersecretary iti dayta met laeng a tawen.
Malaksid iti daytoy, nagpaay ni Cuna a law professor iti Arellano Law Foundation ken kas Director IV ken Legal Officer ti Presidential Legislative Liaison Office iti Office of the President manipud 1998 agingga 2001. (Betheena Unite/Manila Bulletin//Lito Hilidon/Bannawag)
