Nakapasa ti dua nga impeachment complaint a maibusor ken ni Bise Presidente Sara Duterte kalpasan nga indeklarar ti Committee on Justice ti Kamara a "sufficient in form" dagitoy.
Iti umuna a panangbista ti Committee on Justice iti uppat nga impeachment complaint kontra ken ni VP Duterte ita nga aldaw, Marso 2, inlaksidda dagiti dua nga impeachment complaint, ket ti laengen impila da Father Joel Saballa ken Atty. Nathaniel Cabrera ti natda nga aktibo.
Ti impeachment complaint nga indatag da Saballa ken Cabrera ti indeklarar a "sufficient in form" ti komite nga idadauluan ni Batangas 2nd district Rep. Gerville Luistro.
Awan kadagiti kameng ti komite ti nangsupiat iti mosion a maideklar dagitoy a kas "sufficient in form," nga umuna a lasaten ti impeachment complaint.
Kaipapananna a dagitoy a dua nga impeachment compliant ti tingitingenda no "sufficient in substance" met laeng dagitoy, nga isu ti tamingenda iti pannakaitultuloy ti hearing-da inton bigat, Marso 3. (Ellson Quismorio/Manila Bulletin//Lito Hilidon/Bannawag)
